Arkiva e Etiketave | "ambasadori meksikan"

Tags: , , , ,

Meksika feston ditën kombëtare, ceremoni në Romë për 203 vjetorin e pavarësisë

Postuar në 17 September 2013 by Administrator

Meksikanët janë në festë. Kombi i tyre shënon 203 vjetorin e pavarësisë. Kolanës së festimeve meksikane iu bashkua edhe Ambasada e Meksikës në Romë, e cila në një event të veçantë me qindra të ftuar celebroi ditëlindjen e 203-të të pavarësisë së Meksikës nga Spanja.

Ceremonia-Rome-4

Ceremonia-Rome-11

Për të uruar këtë festë në Ambasadë ishin të pranishëm personalitete të larta të Meksikës dhe Italisë, trupa diplomatikë të akredituar në Romë, Konsuj Nderi të këtij shteti, si edhe dhjetra qytetarë meksikanë që kishin udhëtuar nga larg, për të ndarë bashkë këtë ditë të veçantë.
Ceremonia nisi me një simbolikë emocionuese, ngritjen e flamurit meksikan nga Ambasadori meksikan në Romë, Migue Ruis Cabanas Izquerdo, simbolikë e cila u shoqërua me brohoritje nga të pranishmit.

Ceremonia-Rome-3

Ceremonia-Rome-2

Ceremonia-Rome-13

Ambasadori Miguel Ruis Cabanas Izquerdo përcolli edhe në mikrofonin e Ora News urimin e tij për këtë ditë të shënuar për shtetin meksikan.

Ceremonia-Rome-14

“Në këtë ditë, meksikanët njohin veten e tyre si soç, si meksikanë. Ne kemi lindur në këtë ditë, ndaj e festojmë këtë ditë në mënyrën më të gëzuar, me muzikë, ushqim e miqësi” tha ai.
Pavarësinë e Meksikës e uroi edhe ambasadori i Japonisë në Romë, Masaharu Kohno.

Ceremonia-Rome-5

“Gëzuar Pavarësinë e Meksikës. Ne kemi një marrëdhenie speciale me Meksikën që 400 vjet më parë. Unë jam gjithashtu përfaqësues i Japonisë në Shqipëri. Ne kemi një marrëdhënie shumë të mirë, por ka ende potencial për të ardhmen. Urime edhe për qeverinë tuaj të re”u shpreh ai.

Në ambasadën e Meksikës në Romë, për të përcjellë urimet e tij ishte edhe Konsulli i Nderit të Meksikës në Tiranë, Ylli Ndroqi.

Ceremonia-Rome-1

“Edhe unë si Konsull i Nderit të Shteteve të Bashkuara të Meksikës në Tiranë ndodhem sot këtu, të festojmë sëbashku 203-vjetorin e shtetit të Meksikës. Kam pasur fatin të vizitoj edhe para një muaji shtetin meksikan, kryeqytetin e tyre Mexico Cityn dhe kam ngelur i mahnitur nga bukuritë e rralla që kam parë aty. I uroj një jetëgjatësi këtij shteti modern”u shpreh zoti.Ndroqi.

Prej afro 8 muajsh, mes Shqipërisë dhe Meksikës ka një urë të fortë lidhëse, që është pikërisht Konsulli i Nderit. Por sa kanë ndryshuar marrëdheniet mes dy vendeve pas emerimit të z.Ndroqi?

“Kemi nderin që kemi një Konsull Nderi në Shqipëri. Ne jemi shumë krenar që ai përfaqëson Meksikën ne Tiranë. Pas zgjedhjes së tij, gjërat kanë ndryshuar. Pas vizitës së tij ka ndryshuar perceptimi i Meksikës për Shqipërinë. Tani Shqipëria është në hartën tonë falë tij dhe falë bashkëpunimit që kemi zhvilluar”tha Ambasadori meksikan në Romë.

Ceremonia-Rome-6

“Unë jam munduar të bëj një bashkëpunim shumë të fortë mes Shqipërisë dhe Meksikës. Kemi pasur koordinime me Ambasadën e Meksikës këtu në Romë, është dhe Ambasadori që bën rregullatorin e gjithë bashkëpunimeve tona Shqipëri-Meksikë dhe kemi rezultuar gjatë gjithë këtyre muajve një punë shumë të madhe bashkëpunimi si mes biznesmenëve ashtu dhe qytetarëve shqiptarë që duan të lëvizin drejt Meksikës”tha Konsulli i Nderit të Meksikës në Tiranë, Ylli Ndroqi.

Valës së urimeve i bashkohet edhe Luis Fernando Alva, konsull në seksion konsullor.

Ceremonia-Rome-8

“Faleminderit shumë që keni ardhur. Ne po punojmë shumë fort për të pasur një marrëdhënie të shkëlqyer me Shqipërinë dhe Italinë” tha ai.

Dhe festa e Meksikës vazhdon ashtu si vetëm ata dinë ta bëjnë, me muzikë, kërcim dhe ushqim të mire dhe bashkë me trokitjen e gotave vjen edhe ky urim: “Viva Mexico!”

Ceremonia-Rome-9

Ceremonia-Rome-10

Ceremonia-Rome-12

Tags: , , , , ,

Konsulli i nderit të Meksikës takime në Romë

Postuar në 27 May 2013 by Administrator

Shqipëria dhe Meksika vetëm pak kohë pas rivendosjes së marrëdhënieve ndjehen gjithnjë e më afër. Hapja e konsullatës në Tiranë ishte hapi i parë i harmonizimit të bashkëpunimit dypalësh që u finalizua edhe me forumin ekonomik që ngjalli interes të madh nga të dy palët e biznesit.

Pas suksesit të këtij formumi në Tiranë, pa kaluar edhe 10 ditë nga ky eveniment ambasada e Shteteve të Bashkuara të Meksikës tregon interes direkt dhe fton menjëherë në Romë konsullin e nderit Ylli Ndroqi për të thelluar më tej bashkëpunimin mes dy vendeve.

Në vizitën zytare të Konsullit të nderit zotit Ylli Ndroqi në ambasadën e SHBM në Itali që mbulon dhe vendin tonë themel i bisedave me diplomatët e këtij vendi kanë qënë biznesi dhe turizmi.
Zoti Ndroqi u prit fillimisht nga konsulli I Meksikës në Romë Luis Alva Fernando, i cili mbi të gjitha vlerësoi nismat e marra nga konsulli Ndroqi dhe veçanërisht organizimin e forumit të biznesit në kryeqytetin shqiptar.

Në takimin e parë me konsullin Fernando, ishte dhe Atasheja kulturore Maria Tereza Ceron Velez e cila shpalosi interesin kulturor të Meksikës për vendin tonë dhe anasjelltas si dy vende me pasuri të jashtëzakonëshme në këtë fushë.

Biseda u fokusua në disa çështje të rëndësishme që synojnë të afrojnë më shumë Meksikën dhe Shqipërinë jo vetëm në frymën e biznesit por edhe në frymën e kulturës e turizmit.

Në takimin zyrtar me ambasadorin Miguel Ruiz Kabanas, Zoti Ndroqi mori vlerësime nga qeverria meksikane për kosnolidimin e marrëdhënieve por sidomos thellimin e bashkëpunimit ekonomik mes dy shteteve.

Ambasadori Kabanas e konsideroi si shumë të rëndësishëm organizimin e fundit të Konsullatës meksikane në vendin tonë për biznesin dhe vlerësoi interesin e dhomës së tregtisë dhe iondustrisë së Shqipërisë për të kërkuar hapsira tregu në biznesin meksikan.

Pikërisht në këtë frymë, zoti Ndroqi i kërkoi Ambasadorit Kabanas që të shikohet mundësia e lehtësimit të procedurave për vizë të bizneseve shqiptare gjatë sezonit ruristik si një mundësi e mirë për të shijuar më shumë Meksikën por edhe për të ndërtuar mardhënie me biznesin meksikan gjatë kësaj periudhe.

Për këtë qëllim në takim, ambasadori Kabanas ftoi edhe zv.drejtoreshën për turizmin Sarina Alvarez e cila mori kërkesën për ta përcjellë atë në ministrinë e jashtme të SHB Meksikës.

Në takim u diskutuan edhe shumë ceshtje të tjera të mardhënieve mes dy vendeve tashmë në një frymë të jashtëzakonëshme miqësore. Në fund të takimit, surpriza ishte e dy anëshme. Qoftë konsulli i nderit Ylli Ndroqi, qoftë edhe ambasadori Kabanas në mënyrë krejt rastësore kishin zgjedhur si dhuratë për njëri-tjetrin albume fotografike të bukurive natyrore të Shqipërisë dhe Meksikës.

Ky takim tashmë i hap rrugë mundësive të reja të bashkëpunimit dhe forcon mardhëniet e nisura vetëm pak muaj më parë por që mesa duket do të kenë një rrugë të gjatë e të frytëshme që do të ndikojnë tek biznesi dhe sidomos tek dashamirësit e turizmit në të dy vendet.

Tags: , , , , ,

Delegacioni ekonomik meksikan takim me zyrtarë

Postuar në 17 May 2013 by Administrator

Këshilltari për çështjet ekonomike i Shteteve të Bashkura të Meksikës në Romë Elzar Navaro dhe ai i Milanos Oscar Camacho gjatë qëndrimit të tyre në Tiranë vijuan me takimet për parë më konkretisht bashkëpunimin tregëtar mes dy vendeve.

Gjatë takimit me kreun e dhomës së Tregëtisë dhe Industrisë Tiranë Nikolin Jakaj u vu theksi tek shkëmbimet tregëtare mes vendeve për eksport dhe import të prodhimeve. Në rastin konkret këshilltarët meksikanë thanë se vendi i tyre njihet për eksportin e pijeve dhe frutave ekzotike ndërsa me interes për Shqipërinë është parë eksporti i veshjeve apo prodhimeve bujqësore.

Më pas Camacho dhe Navoro zhvilluan një takim me konsullin e nderit të Meksikës Z. Ylli Ndroqi. z. Ndroqi vuri theksin tek bashkëpunimi më konkret mes shteteve tashmë përveç selive diplomatike edhe në rrugë tregëtare ndërsa u prezantoi këshilltarëve meksikan resurset turistike të vendit. Festa është e hapur publikisht, u shpreh Z. Ndroqi, për të investuar në turizëm, kryesisht në bregdet.

Nga pala shqiptare u kërkua që duke respektuar të gjitha ligjet e Meksikës, të krijohen mundësi e qytetarëve shqiptar të lëvizin lirshëm drejt këtyre shteteve për të njohur nga afër pasuritë turistike.

Ecurinë e biznesve dhe sektorët më të rëndësishëm ku kërkohet investim, këshilltarët për çështjet ekonomike të Meksikës i njohën në Agjensia shqiptare për investime të huaja ku drejtoresha e këtij institucioni bërë dhe një prezantim të investimeve të biznesve të huaja në vend duke qëndruar në faktin se Shqipëria është një partnere e sigurt e investitorëve.

Të shoqëruar në konsulli i nderit të Meksikës në Shqipëri, këshilltarët u takuan me ministrinë e Ekonomiksë dhe Energjitikës Florion Mima.

Z. Mima u shpreh se qeveria po bënë gjithçka për ruajtur qëndrueshmërinë e investimeve në vend pavarësisht situatës financiare në botë. Në fund të takimeve palët ranë dakort se forume të tilla të bisnesve mes dy vendeve të kthehen një një traditë me qëllim që investimet të jenë të prekshme. Kjo do të realizohet si me tryeza të përbashkëta diskutimi por dhe me panaire në të dy vendet.

Tags: , , , , , ,

Ambasada Meksikane në Itali përshëndet çeljen e Konsullatës Meksikane në Shqipëri

Postuar në 08 March 2013 by Administrator

Të Mërkurën e 27 Shkurtit, Ambasadori i Meksikës për Republikën e Shqipërisë, rezident në Romë, Miguel Ruíz-Cabañas, inauguroi në Tiranë zyrat e Konsullatës të re të Nderit të Meksikës dhe ngarkoi me detyrën e Konsullit të Nderit zotin Ylli Ndroqi.

Aktiviteti u pasqyrua edhe në Ambasadën e Meksikës të vendosur në Itali për të cilën mund të lexoni edhe këtu.

ambasada-meksikane

Tags: , , , ,

Ministri Panariti takon konsullin Ndroqi

Postuar në 01 March 2013 by Administrator

Tags: , ,

Ambasadori meksikan në Itali Izquerdo viziton “Ora News”

Postuar në 14 February 2013 by Administrator

Në një ditë të veçantë për Shqipërinë e natyrisht edhe për RTV “Ora News” që ishtë tërësisht i mobilizuar për të pasqyruar minutë pas minute festimet, në ambjentet e televizionit ka mbërritur një mik i veçantë, Ambasdori i Meksikës në Itali, Miguel Ruiz Cabanas Izquerdo .

I ndodhur në Shqipëri me ftesë të qeversë shqiptare për të marrë pjesë në festimet e 100 vjetorit të pavarësisë, ambasadori Izquerdo nuk ka nguruar për asnjë çast, por i është përgjigjur po ashtu pozivisht edhe ftesës për të vizituar “Ora News”.

Ai është pritur nga presidenti i televizionit Ylli Ndroqi dhe drejtori i informacionit, Patrik Sadikaj dhe ka vizituar njëra pas tjetrës studiot e “Ora News”, investimet e reja por edhe ambjentet në të cilat ende vijon puna për të të sjellë teknologjinë më të fundit.

Nga studiot e radio Ora, në emisionin Tonight deri tek studio multifunksionale Natën vonw dhe Jamais Vu, ambasadori meksikan teksa nuk fshehte kureshtjen, vlerësonte investimet e pakursyera. Vlerësim që e përcolli edhe gjatë intervistës që pati në hapësirën e “Ora live”, ku natyrisht transmetimet vijonin të pandërprera për vitin e 100 të pavarësisë së Shqipërisë.

“Jam i nderuar të jem këtu sot që jam ftuar nga qeveria shqiptare për të marrë pjesë në festimet e 100-vjetorit të pavarësisë. Këtë mëngjes isha në Vlorë dhe u takova me presidentin Nishani dhe me kryetarin e bashkisë Shpëtim Gjika. Jam i mahnituar nga atmosfera që mbizotëron në vend. Duke bërë rrugën nga Vlora në Tiranë shikoje njerëz të lumtur. Iu uroj të gjithë shqiptarëve edhe 100 vite të tjera. Nuk ka parë asnjëherë një organizim të tillë. Kam parë një investim të madh në “Ora News” dhe kjo tregon shpirtin e ri të shqiptarëve. Shqiptarët i meritojnë të gjitha” tha ambasadori.

Ambasadori uroi drejpërdrejt në “Ora News” të gjithë shqiptarët me rastin e 100-vjetorit të pavarësisë së Shqipërisë ndërsa e cilësoi si mbresëlënëse festimet e bëra në dy qytetet Vlorë dhe Tiranë.

Gjatë ditëve të fundit “Ora News” është kthyer në mikëpritësen e një sërë përfaqësuesish të lartë diplomatikë të cilët njëzëri kanë vlerësuar investimet në teknologji por veçanërisht përçimin e paanshëm të informacionit minutë pas minute.

Tags: , , , , ,

Hapet Konsullata e Meksikës në Shqipëri

Postuar në 14 February 2013 by Administrator

Meksika dhe Shqipëria i kanë besuar lidhjen mes dy vendeve Ylli Ndroqit, duke e emëruar Konsull të Nderit të Meksikës në Tiranë. Prezantimi zyrtar i Zotit Ndroqi është bërë në një ceremoni të veçantë ku të pranishëm kanë qenë ambasadori i Meksikës në Itali, Miguel Ruiz Cabanas Izquerdo, Zv.kryeministri Edmond Haxhinasto, Zv. Ministri i punëve të jashmte, Selim Belortaja, kreu i opozitës Edi Rama, kreu i LSI-së Ilir Meta, ministra, deputetë, kryebashkiaku i Tiranës Lulzim Basha, ambasadorë, konsujt e nderit të akredituar në Shqipëri, ish presidenti Alfred Moisiu, Princi Leka, dhe personalitete të biznesit dhe medias në vend.

Zv. Minsitri i punëve të jashtme Selim Belortaja vlerësoi përzgjedhjen e z.Ndroqi për marrjen e kësaj detyre, duke çmuar kontributin e tij jo vetëm në media, por edhe biznes e sport. Ai tha se ende Shqipëria dhe Meksika nuk kanë ambasada përkatëse në të dyja vendet, por kanë një potencial mjaft të madh për të shfrytëzuar, duke pasur parasysh fuqinë e Meksikës si e 13-a në botë.

“Pavarësisht se jetojmë në një botë globale, ndryshimet gjeografike nuk përbëjnë më një problem, përkundrazi, vendet dhe shtetet kanë tendencën që të bashkohen, si popuj, në ekonomi dhe në çdo aspekt tjetër të jetës. Ne jemi plotësisht të përkushtuar për të mbështetur z. Ylli Ndroqi në detyrën e tij, për ti shërbyer njerëzve dhe biznesit. Detyra e tij bëhet akoma dhe më e sukseshme n.q.s. ai nuk heziton të ndihmojë qytetarët e të dyja vendeve. Qeveria shqiptare dhe të gjitha institucionet publike shtetërore, jemi të gatshëm për të mbështetur z. Ylli Ndroqi në misionin e tij. Një pikë e shënuar ka qënë dhe nënshkrimi i dy memorandumeve të rëndësishme nga zoti Haxhinasto kur ai ishte Ministër i Punëve të Jashtëme në Meksikë dhe vizita e Sekretarit të Punëve të Jashtëme të Meksikës në Shqipëri, e cila shpresojmë të ndodhë shumë shpejtë. Propozimi i qeverisë shqiptare për liberalizimin e vizave me Meksikën, është mirëpritur nga autoritetet Meksikane dhe ky do të ishte një hap përpara në afrimin e popujve në fushën tregtare, kulturore, të turizmit etj. Inagurimi i një Konsullate Nderi në një vend, është gjithmonë një gjë shumë e rëndësishme, por ajo çka është më e rëndësishme është që këtë detyrë tja besosh njeriut të duhur. Sot inagurohet zyrtarisht hapja e Konsullatës, dhe kemi zgjedhur pikërisht personin e duhur, me kapacitetet e duhura për këtë detyrë dhe i uroj z. Ylli Ndroqi suksese si Konsull Nderi i Meksikës” e ka përfunduar fjalën e tij z. Belortaja.

Ambasadori i meksikës në itali, Miguel Ruiz Cabanas Izquerdo u ndal në miqësinë e fortë mes Shqipërisë dhe Mekrikës dhe në kontributin që zipas tij z. Ndroqi do japë për forcimin e marrëdhënieve mes 2 vendeve.
“Sonte është një mbrëmje feste ku ne festojmë miqësinë e dy vendeve tona, e dy qytetërimeve shumë të lashta, e qytetërimit shqiptar dhe të atij meksikan, dy vende me një histori të lashtë dhe me vlera të forta. Të dy popujt tanë, edhe meksikanët edhe shqiptarët janë nga ata popuj që besojnë se e nesërmja do të jetë më e mirë se e sotmja, dhe kjo na bën të kemi besim se do të kemi një të ardhme më të ndritur, një të ardhme më të mirë. Unë jam shumë krenar dhe shumë i lumtur që jam këtu për të dorëzuar zyrtarisht emërimin e z. Ylli Ndroqi, si Konsull Nderi i Meksikës në Shqipëri, dhe besoj se ky do të jetë një simbol që i jep shpresë miqësisë midis Meksikës dhe Shqipërisë. Ne festojmë me gëzim, ne festojmë me muzikë, ne festojmë me ushqim, këto janë tre elementë shumë të rëndësishëm të kulturës sonë. Shumë shpejt do të dëgjoni edhe muzikën tipike meksikane “Mariaçi” është shprehur ambasadori.

Z. Ndroqi falenderoi qeverinë shqiptare dhe atë meksikane që i besuan përmbyushjen e këtij misioni dhe u angazhua për të promovuar dhe forcuar edhe më tej raportet bilaterale
“Mirëmbrëma të gjithëve. I nderuar z. zëvendëskryeministër i Shqipërisë z. Haxhinasto, të nderuar shkëlqesi, ambasadorë, ministra, deputetë, pjesëmarrës, zonja dhe zotërinjë, i nderuar miku ambasadori i Meksikës, i nderuar zëvendësministër i Punëve të Jashtme z. Selim Belortaja, jam i lumtur sot që ndodhem mes jush dhe që do tju përfaqësoj si konsull nderi i Shteteve të Bashkuara të Meksikës këtu në Tiranë. Afrimi mes Meksikës dhe Shqipërisë, do të bëhet akoma më i këndëshëm duke promovuar vlera kulturore, vlera turistike, të biznesit dhe të politikës midis Shqipërisë dhe Meksikës. Ju falenderoj të gjithëve, falenderoj Ministrinë e Punëve të Jashtme, Qeverinë Shqiptare, Qeverinë Meksikane, që më kanë besuar të drejtojë këtë konsullatë këtu në Shqipëri dhe u premtojë atyre se do të bëjë më të mirën që kjo Konsullatë të afrohet shumë shpejtë me integrimin Shqipëri-Meksikë. Duke ju falenderuar të gjithëve ju ftoj të festojmë sëbashku. Rroftë Shqipëria, Viva Meksika” është shprehur zoti Ylli Ndroqi.

Emrat të njohur të politikës dhe diplomacisë kanë vlerësuar emërimin e z.Ylli Ndroqi si konsull nderi të shteteve të bashkuara të Meksikës në Tiranë.

Suksesi i z.Ndroqi në media e biznes, sipas tyre, është një garanci edhe në përmbushjen me sukses të detyrës së tij të re.

Ambjentet e Hotel “Sheraton”, ishin shndërruar krejtësisht duke marrë motive meksikane, me dekoracione si kaktusi, simbol i Meksikës, me flamuj meksikanë të kudogjendur, tingujt e mariaçit dhe me stafin e shërbimit me veshjet karakteristike të kulturës latine.

E në të njëjtën kohë që në hotel “Sheraton” zhvillohej ceremonia e prezantimit të z.Ylli Ndroqi , nisi të funkiononte edhe websaiti i konsullatës në adresën www. mexico.al, një portal i cili do të lehtësojë komunikimin me konsulltën e do u japë përgjigje shqetësimeve të tyre.

Ashtu siç e dëshmoi edhe një dokumentar që të ftuarit patën mudësi ta ndiqnin në nisje të ceremonisë, Shqipëria dhe Meksika kanë një histori të gjatë marrëdhëniesh dy palëshe.

Marrëdhëniet diploamtike mes dy vendeve u vendosën në 1974 dhe në dhjetor të 1975 u hap ambasada e Shqipërisë në Meksikë.

Dyert e ambasadës shqiptare u mbyllën në 1991, ndërsa ambasada e Meksikës në Tiranë u mbyll në 1979 për çështje ekonomiko-financiare.

Rihapja e ambasadave respektive, dhe lobimi për heqjen e vizave për qytetarët e dy vendeve shënojnë dy nga sfidat më madhore që pasojnë hapjen e kësaj konsullate në Tiranë.